Գլխավոր էջ » 2016 » Март » 14 » Ինչպես ընտրել հեծանիվի նստարան
12:01
Ինչպես ընտրել հեծանիվի նստարան

Ձեր ուշադրությանն ենք ներկայացնում շատ հայտնի ռուս հեծանվային էքսպերտի՝ Վիկտոր Կոտովսկի-ի կարծիքը հեծանիվի նստարան ընտրելիս:

Ինչպես ընտրել հեծանիվի նստարան?

Սովորական վարողի մոտ նստատեղի ցավերի հարցը շատ ավելի առաջնային է, քան մնացածը։
Գրեթե չկան այնպիսի մարդիկ, որ անհանգստություն չեն զգացել որոշակի հեռավորություն հաղթահարելուց հետո։
Ես արդեն 3 տարի շարունակ իմ ընկերներին և ընթերցողներին խորհուրդ եմ տալիս լավագույն նստարան զբոսաշրջության համար՝ անգլիական կաշվե Brooks։ Դրա պատճառով ինձ կասկածում են այդ արտադրողի հետ գաղտնի  համագործակցության մեջ։
Ցավոք Brooks ընկերությունը ընդհանրապես չի հիշում իմ մասին, բայց դրանից ես չեմ դադարեցնի իմ միսիոներական գործունեությունը։ Եկեք այսօր խոսենք հեծանվային նստարանների մասին՝ ինչ տեսակի և ձևի են լինում, ինչ նյութերից են պատրաստվում և այլն․․

Սկզբի համար ցանկանում եմ մի փոքր խոսել նստատեղի՝ հեծանիվին ադապտացվելու մասին։ Որքան էլ հարմարավետ նստարան լինի դրված ձեր հեծանիվի վրա, առաջին 100-200 կիլոմետրերի ընթացքում ձեր նստատեղը կցավի։ Ուշադրություն մի դարձրեք, դա նորմալ է։

Մի´ շտապեք գնել նոր նստարան, եթե դուք հենց նոր եք սկսել վարել հեծանիվ։ Ձեզ պետք է մոտավորապես 5 զբոսանք հեծանվով, որպեսզի հարմարվեք։ Սովորաբար փորձառու հեծանվորդներն ընդհանրապես ոչ մի անհանգստություն չեն զգում 60-80 կմ-ից փոքր հեռավորության դեպքում։

Հիմնականում պայմանական սահմանը, երբ տհաճ զգացողությունները ներքևից սկսում են անհանգստացնել անգամ մշտապես քշողներին, դա 100 կմ է։ Եթե դա ձեր դեպքն է, ապա միտք ունի որոնել լավագույն տարբերակը։

Եթե ցավը գալիս է ավելի շուտ, քան 50 կմ, ապա քշեք ավելի հաճախ, և միաժամանակ ուշադրություն դարձրեք նստարանի դիրքին։ Հաճախ պատահում է, որ խնդիրը լինում է ոչ թե նստարանի, այլ դրա դիրքի մեջ։ Կարդացեք ինչպես ճիշտ կարգավորել հեծանիվի նստարանը։

Միևնույն ժամանակ, փորձեք հասկանալ, թե ինչպիսի ցավ է ձեզ անհանգստացնում։ Մի փոքր սեղմեք տազային ոսկորները, որոնց վրա նստում եք, եթե դրանցում բութ ցավ է զգացվում, դա նշանակում է, որ դուք դեռ բավականաչափ չեք քշել, որ ընտելանաք։ Եթե անհանգստությունը անընդհատ քսվելու մեջ է, ապա դա նստարանի դիրքի, ձևի կամ հագուստի խնդիր է։

Հեծանիվի նստարանի տեսակները

Ակտիվ քշող հեծանվասերի համար  կարող է գոյություն ունենալ միայն 2 տեսակի նստարան՝ սպորտային և տուրիստական։ Պետք չէ անգամ քննարկել հարմարավետ, զբոսանքային, «բազմոցային» տարբերակները, որոնք նախատեսված են տիրոջ հետույքը հինգ կիլոմետր կրիայի արագությամբ տեղափոխելու համար :D 
Ավելին, արդեն բավականաչափ ադապտացվելուց հետո սպորտային նստարանները լիովին կարող են օգտագործվել հեծանվային արշավների ժամանակ։ Կարևորը չմոռանալ հատուկ հեծանվային կիսավարտիքի մասին։

 

Լայն կամ նեղ

Հեծանվային նստարանի կարևոր չափանիշը դրա լայնությունն է։ Պետք է հստակ հասկանալ, որ հետույքը նստարանին է նստում երկու տազային ոսկրերով, և եթե նստարանն ավելի լայն լինի քան հեռավորությունը այդ երկու ոսկրերի միջև, դա ընդհանրապես հարմարավետություն չի ավելացնի։
Իսկ ահա անհարմարություն՝ ինչքան կամենաք, քանի որ ոտքերի ներքին մակերեսը կսկսի քսվել նստարանի թևերին, ինչը կտա շատ կանխատեսելի արդյունք։ Որպեսզի նստարանի լայնությունը հստակ որոշեք, բավական է չափել հեռավորությունը երկու տազային ոսկրերի միջև։ Ինչպե՞ս։ Ցուցաբերեք ստեղծագերծական մոտեցում։ :)

Ի դեպ, կա տարածված մոլորություն, թե գեր մարդկանց հարկավոր է լայն նստարան։ Իրականում ճարպի կուտակումը տվյալ հատվածում ամենևին էլ չի երաշխավորում լայն կմախք, այնպես որ տազը կարող է լինել ոչ լայն, քան նիհար հեծանվորդ կոլեգայի մոտ։ Հաշվի առեք դա։

Փափուկ կամ կոշտ

Ես արդեն նկարագրել եմ փափուկ նստարանի բացասական ազդեցության օրինակ «հեծանիվն ու տղամարդկանց առողջությունը» հոդվածում։ Համառոտ կկրկնվեմ․ տազային ոսկրերը սուզվում եմ փափուկ նստարանի մեջ, և որոշ ժամանակ անց փափուկ հյուսվածքները սեղմվում են, արյան հոսքը դանդաղում է, մարմնի այդ հատվածը սկսում է թմրել։
Կոշտ նստարանի վրա տազը կախված է մակերեսին և քսվում է դրան միայն տազային ոսկրերով։ Իմ անձնական փորձից ելնելով՝ նշեմ, որ ամենալավ համադրությունը շատ կոշտ նստարանն է և карбоновый подседельный штырь։ Այս ամենին գումարած հեծանվային կիսավարտիքը։
Այդպիսի համադրությունը ապահովում է առավելագույն հարմարավետությունը երկար հեռավորությունների ժամանակ։

Նստարանի ձևը

Այստեղ բավականին հեշտ է․ նստարան պետք է լինի կոշտ մակերեսով՝ տազային ոսկրերի համար, բավականաչափ լայն հետևի հատվածում։ Մակերեսը, որի վրա նստում ենք, նույնպես պետք է բավականաչափ երկար լինի, քանի որ վարելու ընթացքում մենք ստիպված ենք մի փոքր առաջ-ետ շարժվել։
Քիթիկը պետք է լինի բարակ, թևերը պետք է չտնկվեն. դա կարևոր է, որպեսզի ոտքերի շարժման ընթացքում դրանց ներքին մակերեսը չտրորվի։
Կարդալով սա՝ մեծահասակ մարդիկ կարող են ինձ հակաճառել՝ ասելով, որ մանուկ հասակում նրանք քշել են իրենց Аист-ներն և Орленка-ները բացարձակ հակառակ նստարաններով՝ լայն ու փափուկ դիվաններով, և ամեն ինչ հիանալի էր։ 
Ընկերներ, այն հեռավորությունը, որ դուք անցել եք մանուկ հասակում անգամ մոտ չի այն հեռավորությանը, որն անցնում է նույնիսկ թույլիկ սիրողական հեծանվորդը։ Հիշում եմ, ես իմ Салют-ի վրա չափող սարք էի դրել և պարզվեց, որ ամռան ընթացքում ես քշել եմ ամբողջ 500 կմ, և մեծերը զարմանում էին այսքան մեծ թվի վրա։
Իհարկե, ինչի՞ց պետք է բացասական հետևանքներ ի հայտ գային, եթե ես քշում էի օրը 5-10 կմ։ Եթե ձեր այսօրվա հեռավորություններն այսպիսին են, կարող եք անգամ չկարդալ շարունակությունը։ 10 կմ քշել ինչի վրա ասես կարելի է, նստարանն այդտեղ ընդհանրապես կապ չունի։ Սակայն մենք հիմա խոսում ենք մի քիչ ավելի մեծ հեռավորությունների մասին, ճիշտ է՞ 
Նյութը՝ պլաստմաս, կաշի կամ կաշվի փոխարինող (արհեստական կաշի)

Պլաստմասի հետ ամեն ինչ պարզ է. դա վատագույն նյութն է։ Դրանից պատրաստում են սովորաբար ամենապարզ և էժան տարբերակները, որոնք, որպես կանոն, հեծանիվի հետ են դուրս գալիս։ Պլաստմասը բաց չի թողում քրտինքը, և եթե դուք չունեք հատուկ հեծանվային կիսավարտիք, ապա անհարմարություն զգացողությունը շատ շուտ կգա։

Գլխավոր ախտանիշը տրորումն է։ Երկար հեռավորության դեպքում դա սարսափելի բան է։ Դրա համար, եթե ձերը նստարանը պլաստմասից է, ապա անմիջապես գնեք հեծանվային համազգեստ։ Այն ձեզ ամեն դեպքում պետք կգա, իսկ տվյալ պահին դա ուղղակի անհրաժեշտություն է։
Արհեստական կաշի՝ նյութ, որը լայն օգտագործվում է գնային միջին մակարդակի արտադրանքում։ Խնդիրը նրանում է, որ արհեստական կաշին շատ տարբեր է լինում, և ոչ մի երաշխիք չկա, որ ձեր գնած նստարանինը լավն է։ Վատ որակի արհեստական կաշին քրտինքը բաց է տողում նույնքան վատ, որքան պլաստմասը։ Այսպիսով, հեծանվային համազգեստն այստեղ նույնպես անհրաժեշտություն է։
Եվ վերջապես, կաշի՝ ամենաթանկարժեք նստարանների նյութ։ Այն լավ «շնչում» է, բաց է տողում քրտինքը, և իհարկե, կաշվից նստարանն ամենահարմարն է երկար հեռավորություններ հաղթահարելու համար։ Ցավոք, կաշվե գրեթե բոլոր ժամանակակից նստարանները սպորտային են, այդ իսկ պատճառով կաշին այդտեղ օգտագործվում է ոչ թե որպես հիմնական տարր, այլ ուղղակի պլաստմասե կամ կարբոնե հիմքի ծածկանյութ։

Եվս մի քանի հարց

Պե՞տք են արդյոք զսպանակները հեծանիվի նստարանին։ 
Զսպանակները քաղաքային հեծանիվի բաղկացուցիչ մասն են կազմում, որտեղ վայրէջքն (посадка) ուղղաձիգ է։ Անհարթությունների ժամանակ հեծանվորդի ամբողջ քաշը հարվածում է ողնաշարին, իսկ դա այդքան էլ լավ չէ։
Զսպանակներն օգնում են թեթևացնել այդ հարվածները։ Ժամանակակից հեծանիվների վրա, լինի դա լեռնային, ճանապարհային կամ туринговый, վայրէջքը (посадка)  երկարաձիգ է, և հետևի հատվածին բաժին է հասնում ընդհանուր քաշի 60 %-ից ոչ ավելին։
Զսպանակները լրիվ рудимент են տվյալ դեպքում։
Պե՞տք են արդյոք նստարաններին գելային պատյաններ (гелевые чехлы)։ Ոչ մի դեպքում։ Դա նույնպես իրենց բակում քշելու սիրահարների աքսեսուար է։ Տազային ոսկրերը սուզվում են գելի մեջ, ինչն անգամ միջին հեռավորության ժամանակ հանգեցնում է սեղմվածության և թմրության։ Կտրականապես հրաժարվել!

Այդուհանդերձ, ինչպիսի՞ նստարան գնել

Եկեք ամփոփենք․ 
Ինչպիսի/ նստարանն է երկար հեռավորության ժամանակ կատարյալ հարմար՝ տափակ седалищная մակերես, բարձր կոշտությամբ, թևիկների լայնության կարգավորման հնարավորությամբ, կաշին՝ որպես հիմնական տարր։
Կատարյալ համընկնում է միայն Brooks-ը։
Ավելացրեք այս ամենին Brooks-ի եզակի կարողությունը ընդունել տիրոջ հետույքի ձևը։ Դա տեղի է ունենում այն պատճառով, որ սեղմված կաշվի մեջ անում են ոչ մեծ փոսեր տազային ոսկրերի տակ։
Սկզբնական շրջանում բավականին կոշտ է թվում, սակայն որոշ ժամանակ անց ստեղծվում է այնպիսի տպավորություն, կարծես դու նստած ես քո հիմա կաշվե բազմոցին. այդքան հարմարավետ է։ 

Դիտումներ: 5189 | Ավելացրեց: BROTHERHOODD | - Վարկանիշ -: 5.0/2
Մեկնաբանություններն ընդամենը՝: 3
avatar
1 lvahagn2002 • 13:22, 14.03.2016
ապրեք, լավ հոդված էր, շատ պիտանի
avatar
2 levonhovhannisyan2012 • 19:40, 14.03.2016
(Y)
respect
avatar
3 revolution_adrenalin • 02:19, 15.03.2016
Չի կարելի գնել կաշվե նստարան ու գովազդել բնությանը վնասող դաժան Brooks բրենդին:Մորթել կով, որ կաշին դնեն մարդու հետույքի տակ՝ աբսուրդ է, ավելի լավ է փնտրել փոխարինող նյութից որակյալ նստարան, իսկ որակի մասին իմանալ բրենդից ու ֆորումներից:
avatar