Ինչպե՞ս ընտրել հասակին համապատասխան հեծանիվ։

Եթե արդեն կողմնորոշվել եք, թե ինչպես եք վարելու ձեր հեծանիվը, ապա ըստ հասակի այն ընտրելը ոչ մի դժվարություն չի առաջացնի։ Դրա համար կանգնեք հեծանիվի վրա՝ ղեկին հնարավորինս մոտ, ինչպես պատկերված է նկարում, և ուշադրություն դարձրեք վերևի հորիզոնական ձողի և ձեր ոտքերի արանքի միջև ընկած հեռավորության վրա։ Քաղաքում ոչ ագրեսիվ վարման համար 5 սմ տարածությունը բավարար է։ Սար ու ձորերով երթևեկելու սիրահարների համար այդ տարածությունը պետք է լինի գոնե 10 սմ։ Իսկ էքստրեմալ հեծանվասպորտի սիրահարները պետք է ընտրեն ավելի էլ ավելի փոքր շրջանակով (рама) հեծանիվ։

Ստուգելու էլ ավելի հեշտ տարբերակ է ուղղակի նույն դիրքում թաթերի վրա թռչկոտելը։ Չստացվեց՝ խնդրեք վաճառողին ավելի փոքր հեծանիվ տալ, ստացվեց շատ հեշտ՝ շրջանակը փոքր կլինի հանգիստ ընթացքի ժամանակ։

Շրջանակի չափերը

Շրջանակի չափը որոշվում է նստարանի ձողի եզրից մինչև պեդալային համակարգի առանցքի կենտրոնը ընկած հեռավորությամբ։ Սովորաբար այն չափվում է դյույմերով, սակայն որոշ արտադրողներ օգտագործում են տառային համակարգ, ինչպես ընդունված է հագուստի շուկայում։

Այսպես՝

• Շատ փոքր — Xtra Small (XS), 14 դյույմ (≈35 սմ),
• Փոքր — Small (S ), 16 դյույմ (≈40 սմ),
• Միջին — Medium (M), 18 դյույմ (≈45 սմ),
• Մեծ — Large (L ), 20 դյույմ (≈50 սմ),
• Շատ մեծ — Xtra Large (XL), 22 դյույմ (≈55 սմ)։

Ձեզ հարմար շրջանակի չափը տարբեր է՝ կախված թե ձեր ընտրած հեծանիվի շրջանակը կոշտ է (жесткая рама), թե ամորտիզացվող (с амортизационной подвеской)։

Կոշտ շրջանակի դեպքում դրա չափի և ձեր հասակի հարաբերությունը կլինի հետևյալը՝

• 135-155 սմ՝ 14 դյույմ,
• 150-165 սմ՝ 16 դյույմ,
• 165-175 սմ՝ 18 դյույմ,
• 175-185 սմ՝ 20 դյույմ,
• 185 սմ և ավելի բարձր հասակի համար՝  22 դյույմ։

Ամորտիզացվող շրջանակի դեպքում հարաբերությունը մի փոքր այլ է՝

• 150-165 սմ ՝ 15,5 դյույմ,
• 165-175 սմ ՝17,5 դյույմ,
• 175-185 սմ ՝ 19,5 դյույմ,
• 185 սմ և ավելի բարձր հասակի համար՝ 21,5 դյույմ։

Ինչպես նշվեց վերևում, հեծանիվի չափն ընտրելու մեջ շատ մեծ դեր է խաղում ձեր ընտրած վարման ոճը։ Յուրաքանչյուրի համար կարևոր է ոչ միայն շրջանակի որոշակի չափը, այլ նաև հետևի ամորտիզատորի առկայությունը կամ բացակայությունը։